“Макмахон лимитед”, “Би Би Эм Оперта” компаниуд Тавантолгойн зүүн Цанхийн хөрсийг хуулж, нүүрс олборлох гэрээт олборлогчийн олон улсын тендерт ялжээ. Австрали болон Канадын “Макмахон лимитед”, Германы “Би Би Эм Оперта” компаниуд өөрсдөө "Эрдэнэс МГЛ" компанид хоёулаа хамт зүүн Цанхид ажиллах санал тавьжээ. Уг саналыг "Эрдэнэс МГЛ" хүлээн зөвшөөрч гэрээ хийх хэлэлцээр эхлүүлэхээр болов. Урьдчилсан шалгаруулалтад Австрали болон Канадын “Макмахон лимитед”, Германы “Би Би Эм Оперта” болон Энэтхэгийн "Меско Стийл" компаниуд тунаж үлдээд байсан юм. Ингээд "Меско Стийл" хасагдаж, дээрх хоёр компани Цанхийн зүүн хэсгийн нүүрсийг Эрдэнэс Тавантолгойтой хамтран олборлохоор болж байна. Зүүн Цанхийн уурхайн нөөцийг жилд 15 сая тонноор олборлоно гэж тооцвол ойролцоогоор 115 жил ашиглах хэмжээний нөөцтэй юм. Шалгарсан хоёр компани энэ жилдээ багтаж үйл ажиллагаагаа эхлүүлэхээр төлөвлөжээ.
No comments:
Post a Comment